ბოლო მონაცემებით, საქართველოში კორონავირუსის „ომიკრონ“ შტამით ინფიცირების 51 შემთხვევაა გამოვლენილი, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
„ქვეყანაში გამოვლენილი 51 შემთხვევიდან, ხუთი პირი 18 წლამდე ასაკისაა, ხოლო ერთ-ერთი სამი წლის ბავშვია. ბავშვი ამ დრომდე უსიმპტომოა“,- განაცხადა ამირან გამყრელიძემ საზოგადოებრივ მაუწყებელთან საუბრის დროს.
