12 სექტემბერს საქართველოში კორონავირუსის 4 774 ახალი შემთხვევა დაფიქსირდა, ხოლო გარდაიცვალა 37 ადამიანი. დადებითობის დღიური მაჩვენებელი 10.01%-ს შეადგენს.
კორონავირუსის შემთხვევებმა მოიმატა რეგიონებშიც. ეპიდემიოლოგების თქმით, ყველაზე რთული სიტუაცია ამ დროისთვის იმერეთსა და კახეთშია.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ბოლო მონაცემებით საქართველოში რეინფიცირების 9-დან 10 ათასამდე შემთხვევაა დაფიქსირებული. ამის შესახებ მან საკოორდინაციო სხდომის დასრულების შემდეგ განაცხადა.
ამირან გამყრელიძემ მოსახლეობას ვაქცინაციისკენ კიდევ ერთხელ მოუწოდა განსაკუთრებით იმ რეგიონებში, სადაც ახლა რთული სიტუაციაა.
