ეკონომიკის ყოფილი მინისტრი, გიორგი ქობულია რუსი ჟურნალისტის, ვლადიმერ პოზნერის საქართველოში ვიზიტის დროს მომხდარ ინციდენტს სამარცხვინოს უწოდებს.
მისი თქმით, ტურისტებისთვის კვერცხების სროლამ შესაძლოა ნეგატიური ეფექტი გამოიწვიოს საქართველოს ეკონომიკისთვის.
“უნდა მივაქციოთ ყურადღება მაქსიმალურად ტურიზმს. პირველი არის ვაქცინაცია და მეორე არის ის, რომ, რა თქმა უნდა, არ უნდა ჩავიდინოთ ისეთი სამარცხვინო საქციელი, რაც მოხდა რამდენიმე დღის წინ, როდესაც საქართველოში შემოსულ ტურისტს კვერცხები დაუშინეს.
აი, ეს არის ერთ-ერთი კიდევ, ყველაზე დიდი რისკი, რომელიც ჩვენ ქვეყანაში გაგვაჩნია, რამაც შეიძლება გამოიწვიოს საკმაოდ ნეგატიური ეფექტი ჩვენო ეკონომიკისთვის და კიდევ უფრო მეტი შიმშილი მოიტანოს ხალხში. თუ ასეთ რაღაცას უფრო მეტს გავაკეთებთ და ჩვენი მოსახლეობა უფრო მეტს გააკეთებს, მით უფრო დიდი რისკია იმისი, რომ ჩვენი სიღარიბე კიდევ უფრო გაიზრდება”, – განაცხადა გიორგი ქობულიამ.
