შესაძლოა საქართველოში კომერციული ვაქცინა შემოვიდეს. ამის შესახებ GPI ჰოლდინგის კომუნიკაციების დირექტორმა თინათინ სტამბოლიშვილმა netgazet-ს განუცხადა.
თინათინ სტამბოლიშვილის განცხადებით, კომპანია მოლაპარაკებებს აწარმოებს იმპორტიორებთან, რომლებიც თავის მხრივ ქვეყანაში კომერციული ვაქცინის შემოტანას ცდილობენ.
“ჩვენ ჯერ არ გვაქვს დასტური, თუმცა ველაპარაკებით რამდენიმე ქართულ იმპორტიორს, რომლებიც თავის მხრივ, სხვადასხვა არხებით მოლაპარაკებებს აწარმოებენ იმისთვის რომ კომერციული ვაქცინა შემოიტანონ. ამ პროცესისთვის გვინდა მზად ვიყოთ, ჩვენ 150 ათასი დაზღვეული [კლიენტი] და 700 თანამშრომელი გვყვავს, მათთვის შევიძინოთ პირველ რიგში. როგორც გვეუბნებიან, უახლოეს კვირებში შემოვა, თუმცა ჯერ დადასტურებული ეს ინფორმაცია არ არის. როგორც ჩვენთან ამბობენ ეს იმპორტიორი კომპანიები, ვაქცინის შემოტანის სავარაუდო თარიღი მარტის ბოლო, აპრილის დასაწყისია,” – აცხადებს თინათინ სტამბოლიშვილი.
