მთავრობის ახალი დადგენილების მიხედვით, იზოლაციისა და კარანტინის წესებში ცვლილებები შედის.

ახალი გადაწყვეტილებით, ადამიანი კარანტინში 14 დღის ნაცვლად, 12 დღის განმავლობაში განთავსდება.

დადგენილების მიხედვით, საქართველოში ოფიციალურ ვიზიტზე მყოფმა პირებმა სასაზღვრო პუნქტებზე უნდა წარადგინონ ვიზიტამდე უკანასკნელი 72 საათის განმავლობაში ჩატარებული PCR კვლევის დამადასტურებელი საბუთი.

რაც შეეხება საქართველოს სამთავრობო და საპრეზიდენტო დელეგაციების წევრებს, მათ საქართველოში შემოსვლიდან 12 დღის განმავლობაში ყოველ 72 საათში უნდა ჩაიტარონ PCR კვლევა, რომლის ხარჯები ანაზღაურდება შესაბამისი საჯარო დაწესებულების ბიუჯეტიდან.

რაც შეეხება, საქართველოში შემოსულ უცხოეთის მოქალაქეს, იგი ვალდებულია, საკუთარი ხარჯებით ჩაიტაროს PCR ტესტირება და მომდევნო 12 დღის განმავლობაში, ყოველ 72 საათში ერთხელ გაიმეოროს.

იმ შემთხვევაში, თუ მას პირველი PCR კვლევის შედეგად აღმოაჩნდა, რომ მას ვირუსი უკვე გადატანილი აქვს, პირი შემდგომი კვლევებისგან თავისუფლდება.

მესტიის მუნიციპალიტეტის ტერიტორიიდან გამოსული ყველა ფიზიკური პირი ექვემდებარება 12-დღიან კარანტინს.