23 აგვისტოს, შატილში მომხდარ ტრაგიკულ ავტოსაგზაო შემთხვევასთან დაკავშირებით, საზღვარგარეთ საქართველოს ყველა დიპლომატიური წარმომადგენლობის შენობაზე საქართველოს სახელმწიფო დროშები დაეშვა. ინფორმაცის ამის შესახებ საგარეო საქმეთა სამინისტრო ავრცელებს.
„როგორც ცნობილია, საქართველოს მთავრობის განკარგულებით, 2020 წლის 25 აგვისტო გლოვის დღედ გამოცხადდა.
საგარეო საქმეთა სამინისტრო უსამძიმრებს გარდაცვლილთა ოჯახებს და ავტოსაგზაო შემთხვევის შედეგად დაშავებულებს სწრაფ გამოჯანმრთელებას უსურვებს“, – ნათქვამია გავრცელებულ ინფორმაციაში.
