თავდაცვის სამინისტროს ინფორმაციით, სენაკში სამხედრო მოსამსახურეს კორონავირუსი დაუდგინდა.
არსებული ინფორმაციით, სამხედროს ინფექცია აჭარაში ვიზიტის შემდეგ გამოუვლინდა.
„სენაკის მე-2 ბრიგადის სამხედრო მოსამსახურეს კოვიდ-19 ბათუმში ყოფნის შემდეგ დაუდასტურდა. სამხედრო მოსამსახურე აჭარის რეგიონში დათხოვნის პერიოდში იმყოფებოდა, ხოლო ეპიდსაშიშ კერაში ყოფნის გამო, დადგენილი პროტოკოლით მისი გამოკვლევა სამხედრო ბაზაზე დაშვებამდე განხორციელდა.
აღსანიშნავია, რომ მას სამხედრო ნაწილში მყოფ პირად შემადგენლობასთან კონტაქტი არ ჰქონია. შესაბამისად, ნაწილის ტერიტორიაზე კარანტინის გამოცხადების საჭიროება არ დამდგარა“, – ნათქვამია სამინისტროს განცხადებაში.
