„შესაძლოა სტიქიით დაზარალებულ მოსახლეობას, მთავრობა დაზიანებული სახლების სახურავების აღდგენაში დაეხმაროს” – ამის შესახებ კახეთში სახელმწიფო რწმუნებულმა, გურჯაანის მუნიციპალიტეტის სოფელ კაჭრეთში ადგილობრივი მოსახლეობასთან შეხვედრაზე განაცხადა.
გურჯაანის მუნიციპალიტეტის სოფელ კაჭრეთში, ადგილობრივი მოსახლეობა შეიკრიბა და დღევანდელი სეტყვით მიყენებული ზიანის დადგენა და ანაზღაურება მოითხოვა.
კახეთის გუბერნატორის ინფორმაციით, თავდაპირველად სტიქიით მიყენებული ზიანის დადგენა მოხდება.
„დაზიანებული საცხოვრებელი სახლების ინფრასტრუქტურის აღდგენაში შესაძლოა მთავრობა სარეზერვო ფონდიდან მოსახლეობას დაეხმაროს. ჩვენ დავითვალოთ ზარალს და შუამდგომლობით ცენტრალურ ხელისუფლებას მივმართავთ” განაცხადა შიოშვილმა.
დღეს, 30 აპრილს გურჯაანში მოსულმა სტიქიამ კაჭრეთი, არაშენდა და ვეჯინი დააზარალა.
სტიქიის შედეგად დაზიანებულია ერთწლოვანი კულტურები, ვენახები და საცხოვრებელი სახლების სახურავები.
კახეთში მეორე დღეა, მოსახლეობა სტიქიას ებრძვის. 29 აპრილის ღამეს მოსულმა სეტყვამ ლაგოდეხის მუნიციპალიტეტის სოფლები დააზიანა.
ავტორი: ხათუნა გულიაშვილი
