„სამინისტრო მსჯელობს უმაღლესი სასწავლებლების ლექტორების 2 კვირაში ერთხელ ტესტირების საკითხზეც“, – ამბობს განათლების, მეცნიერების, კულტურისა და სპორტის მინისტრის მოადგილე, ნუნუ მიცკევიჩი.
როგორც ნუნუ მიცკევიჩი ამბობს, მიუხედავად იმისა, რომ დღეიდან აუდიტორიებში სწავლა ჩვეულ რეჟიმში განახლდა, უნივერსიტეტი თავად განსაზღვრავს, რამდენად შეუძლია მოთხოვნების დაკმაყოფილება.
„ეპიდემიოლოგიური სიტუაცია გვაძლევს შესაძლებლობას, დავბრუნდეთ აუფიტორიულ სივრცეებში. დღეიდან თითოეული დაწესებულება უფლებამოსილია საკუთარი გადაწყვეტილებით აღადგინოს აუდიტორიული მეცადინეობა, საუბარია თეორიულ ნაწილზე სწავლა-სწავლების პროცესში. ჩვენ რეკომენდაციები მიწოდებული გვაქვს – როგორც მოგეხსენებათ თითოეული სტუდენტი და ლექტორი ვალდებულია ატაროს პირბადე და დაიცვას წესები. მიმდინარეობს მუდმივი მონიტორინგი, 1-ლი მარტიდან ლაბორატორიული კომპონენტი განახლდა და მას შემდეგ, მუდმივად ვაკვირდებით პროცესს. 15 მარტიდან შრომის ინსპექტირების წარმომადგენლებიც ერთვებიან. მართალია, უნივერსიტეტები საკუთარი უფლებამოსილების ფარგლებში წყვეტენ სწავლების მეთოდს, თუმცა როგორც ვიცით, მათ ჩაატარეს გამოკითხვა სტუდენტებთან და ეს არის საერთო საუნივერსიტეტო საზოგადოების გადაწყვეტილება. ა“ – აღნიშნა ნუნუ მიცკევიჩმა.
