შვედეთი კორონავირუსის ახალი შემთხვევების პრევენციის მიზნით, ქვეყანაში შეზღუდვებს აწესებს. ინფორმაციას Guardian-ი ავრცელებს.

კერძოდ, ქვეყნის მასშტაბით საჯარო შეკრება 8 ადამიანამდე შეიზღუდა.

ცნობისთვის, დღემდე შვედეთში 300 ადამიანის შეკრება იყო ნებადართული.

„ეს ახალი ნორმაა, რომელიც მთელ საზოგადოებას ეხება. არ წახვიდეთ სპორტულ დარბაზებში, ბიბლიოთეკებში, არ უმასპინძლოთ შეკრებებს, გააუქმეთ“, – განაცხადა ქვეყნის პრემიერ-მინისტრმა სტეფან ლევენმა.

შეგახსენებთ, რომ შვედეთი პანდემიასთან ბრძოლის განსხვავებული მიდგომით გამოირჩება. კერძოდ, კოვიდის პირველი ტალღის დრომ ქვეყანამ კარანტინი არ დააწესა.

პანდემიის დაწყებიდან დღემდე, შვედეთში კორონავირუსის 177,355 შემთხვევაა დაფიქსირებული.