სკოლის ძალიან ბევრი სახელმძღვანელო ვერავითარ კრიტიკას ვერ უძლებს – წინა ხელისუფლების დროს გამოცემულ სახელმძღვანელოებში რომ ჩაიხედოთ, დარწუნებული ვარ, ძალიან ცუდი შთაბეჭდილება დაგრჩებათ, – ამის შესახებ პარლამენტში განათლების, მეცნიერების, სპორტისა და ახალგაზრდულ საქმეთა მინისტრის პოსტზე წარდგენილმა მიხეილ ჩხენკელმა განაცახდა.
“სახელმძღვანელოების გრიფირების პროცესში ჩვენი სურვილი იყო, რომ მასში ყველა ჩართულიყო. საქმე ჩვენი შვილების განათლებას ეხება. არსებობს ელექტრონული პორტალი, სადაც ყველას, განსაკუთრებით მშობლებს, საშუალება ექნებათ, რომ წარმოდგენილი პროექტები წაიკითხონ, რომლებიც გრიფირების კანდიდატები არიან. დიდი იმედი მაქვს, მშობლები აქტიურად ჩაერვებიან. არის ადგილი კომენტარებისათვის. ჩვენი დეტალურად წავიკითხავთ საზოგადოების, მშობლების მოსაზრებებს“, – განაცხადა მიხეილ ჩხენკელმა.
