სომხეთმა COVAX პლატფორმისგან AstraZeneca-ს ვაქცინის პირველი პარტია, 24 000 დოზა მიიღო.
ინფორმაციას ამის შესახებ სომხური მედია ავრცელებს.
ვაქცინის პირველი დოზით ექიმები, 65 წელს გადაცილებული და ქრონიკული დაავადების მქონე ადამიანები აიცრებიან.
ცნობისთვის, პანდემიის დაწყებიდან დღემდე სომხეთში კოვიდის 190,741 შემთხვევა დაფიქსირდა. ვირუსს 3,476 ადამიანის სიცოცხლე ემსხვერპლა.
