სომხეთმა კორონავირუსის რუსული ვაქცინა Sputnik V დაამტკიცა. ინფორმაციას ამის შესახებ ადგილობრივი მედია ავრცელებს.
ვაქცინა ჯანდაცვის სამინისტრომ რუსეთში სამი ფაზის კლინიკური კვლევების მონაცემების საფუძველზე, სომხეთში დამატებითი კვლევების გარეშე, დაამტკიცა.
ცნობისთვის, რუსული ვაქცინა შემდეგ ქვეყნებშია დამტკიცებული: რუსეთი, ბელარუსი, არგენტინა, ბოლივია, სერბეთი, ალჟირი, პალესტინა, ვენესუელა, პარაგვაი, თურქმენეთი, უნგრეთი, არაბთა გაერთიანებული საამიროები, ირანი, გვინეა და ტუნისი.
