სომხეთის თავდაცვის მინისტრის ინფორმაციით, ამ დროისთვის 100-ზე მეტი დაშავებული და 16 გარდაცვლილი ჰყავთ.

ინფორმაციას ამის შესახებ სამინისტროს პრესმდივანი სოციალურ ქსელ ტვიტერზე ავრცელებს.

შეგახსენებთ, სომხეთმა საომარი მდგომარეობა გამოაცხადა! – სომხეთისა და აზერბაიჯანის საზღვარზე ვითარება უფრო და უფრო იძაბება.

კერძოდ,  აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შეტევა განხორციელდა. შედეგად არის მსხვერპლი.

როგორც აზერბაიჯანის თავდაცვის სამინისტროში ამბობენ, აზერბაიჯანელმა სამხედროებმა საპასუხო ცეცხლი გახსნეს.

სომხეთის პრემიერ-მინისტრის, ნიკოლ ფაშინიანის განცხადებით კი, მთიანი ყარაბაღის მიმართულებით შეტევა აზერბაიჯანის მხრიდანაა დაწყებული.

სომხეთის თავდაცვის სამინისტრო აზერბაიჯანული ვერტმფრენისა და უპილოტო საფრენი აპარატის ჩამოგდებას იტყობინება.

სრულიად სომეხთა კათოლიკოსმა გარეგინ მეორემ იტალიაში ვიზიტი შეწყვიტა და სამშობლოში დაბრუნების გადაწყვეტილება მიიღო.

საერთაშორისო საზოგადოება მხარეებს კონფლიქტის დარეგულირებისკენ მოუწოდებს.

როგორ დაიწყო მთიანი ყარაბაღის კონფლიქტი და რა ელის საქართველოს ვითარების გამწვავების შემთხვევაში,- სტატიაში სწორედ აღნიშნულ საკითხებს მიმოვიხილავთ.

"According to preliminary data, the Armenian side has 16 killed and more than one hundred wounded" Artur Sargsyan, Deputy Defense Minister of the Republic of Artsakh

— Shushan Stepanyan (@ShStepanyan) September 27, 2020