სომხური მხარის ინფორმაციით, აზერბაიჯანულ მხარეს ტყვედ 17 სომეხი სამხედრო ჰყავს. ამის შესახებ სომხეთის საგამოძიებო კომიტეტის კრიმინალური სამმართველოს უფროსმა, რაფაელ ვარდანიანმა განაცხადა. ინფორმაციას სომხური მედია ავრცელებს.
ვარდანიანის თქმით, კიდევ ორი ჯარისკაცისა და ერთი სამოქალაქო პირის შესახებ ინფორმაციის გადამოწმება მიმდინარეობს. სომხეთის საგამოძიებო კომიტეტის წარმომადგენელი ამბობს, რომ სომხური მხარე საკითხთან დაკავშირებით ადამიანის უფლებათა ევროპულ სასამართლოსთან მუშაობს.
ამას გარდა, ვარდანიანმა აღნიშნა, რომ სისხლის სამართლის გამოძიების ფარგლებში დაკითხულია ტყვედ აყვანილი ორი აზერბაიჯანელი სამხედრო.
შეგახსენებთ, რომ სომხეთსა და აზერბაიჯანს შორის საბრძოლომოწმედებები 27 სექტემბრის მერე არ წყდება.
