კორონავირუსით თერჯოლის მუნიციპალიტეტის სოფელ ეწრის სკოლის დირექტორი გარდაიცვალა. 60 წლის დავით არაბიძე რამდენიმე დღის განმავლობაში სამედიცინო დაწესებულებაში მკურნალობდა. თუმცა მისი მდგომარეობა მოულოდნელად დამძიმდა.
„თუკი ვინმე შეიძლება, გამორჩეული გვყოლოდა, ეს დათო არაბიძე იყო. არაჩვეულებრივი მეგობარი, იმედიანი და თანამგრძნობი იყო. რამდენ ლამაზ დღეს ვგეგმავდით მასთან ერთად, როცა ეს დაწყევლილი პანდემია დამთავრდებოდა”, – ამბობენ გარდაცვლილის კოლეგები.
ბოლო 24 საათში საქართველოში კორონავირუსით ინფიცირების 4 780 ახალი შემთხვევა დადასტურდა, 3 489 ადამიანი გამოჯანმრთელდა, ხოლო 37 პაციენტი გარდაიცვალა.
ავტორი: კესო მოლაშხია
