თელავის მუნიციპალიტეტის სოფელ კისისხევში მოსახლეობის გაფართოებული კვლევა დაიწყო. მასობრივი კვლევის მიზეზი, სოფელში სამარშუტო მიკროავტობუსის მძღოლის კორონა ვირუსით ინფიცირება გახდა.
სოფელ კისისხევში, თელავის მუნიციპალიტეტის მერის წარმომადგენელის, ზურაბ გრძელიშვილის ინფორმაციით, კვლევის ჩატარება, ყველა მსურველს შეუძლია.
„8 ოქტომბერს, მიკრო ავტობუსის მძღოლს დაუდასტურდა ვირუსი. ამ მიკრო ავტობუსს თელავის ცენტრის მიმართულებით გადაჰყავდა მგზავრები. გავფრთხილეთ ხალხი, რომ ვინც 3-დან 5 ოქტომბრამდე იმგზავრა, მოვიდნენ და კვლევა ჩაიტარონ“,- განაცხადა გრძელიშვილმა.
მოსახლეობის გაფართოებული კვლევა, 3 დღის განმავლობაში გაგრძელდება. ყველა მსურველი, psr ტესტის ჩატარებას, დილის 9- დან საღამოს 18 საათამდე, სოფლის ადმინისტრაციულ შენობაში შეძლებს.
ავტორი: ხათუნა გულიაშვილი
