სოციალურად დაუცველ მარტოხელა მოხუცებს დედაქალაქის მერია საკვები პროდუქტებით დაეხმარება. ამის შესახებ თბილისის მერმა კახა კალაძემ ცოტა ხნის წინ განაცხადა.
„გამოიყოფა ნახევარი მილიონი ლარი იმისთვის, რომ დავეხმაროთ ხელი შევუწყოთ საკვები პროდუქტებით სოციალურად დაუცველ მარტოხელა მოხუცებს, რაც ძალიან მნიშვნელოვანია. ჩვენ პანდემიის პირველი ტალღა, როდესაც გვქონდა ქვეყანაში ზუსტად ამ მიდგომებით ძალიან ბევრ ოჯახს დავეხმარეთ და ხელი შევუწყვეთ მაქსიმალურად შეგვემსუბუქებინა მდგომარეობა. ანალოგიურად იქნება ეს პლატფორმა და მომდევნო დღეების განმავლობაში წინა საახალწლოდ ჩვენ ვუზრუნველყოფთ საკვები პროდუქტების მიტანას კონკრეტულად ამ მოხუცებულთათვის“, – განაცხადა კახა კალაძე.
