ძლიერმა სეტყვამ და წვიმამ ლაგოდეხის მუნიციპალიტეტი დააზარალა.
ამ წუთის მონაცემებით, ბაისუბანში, ჭაბუკიანში, კაბალსა და აფენის ნაწილში მთლიანად განადგურებულია ნარგავები, სასოფლო – სამეურნეო სავარგულები და სათბურები.
მძიმე მდგომარეობაა სოფელ მსხალგორში, სადაც მოსახლეობას წყალი სახლებში შეუვარდა.
ადგილობრივების ინფორმაციით, ძლიერი სეტყვა თითქმის თხუთმეტ წუთს გრძელდებოდა და დაზარალებული სოფლების რიცხვი, ბევრად მეტია.
სტიქიით დაზიანებული სავარგულების ზუსტი ოდენობა, ჯერჯერობით ცნობილი არ არის, რადგან ძლიერი წვიმის გამო, მოსახლეობა საკუთარ ნაკვეთებში ვერ შედის.
ამ წუთებში, ლაგოდეხში ჯერ კიდევ წვიმს, სოფლებს კი, ელექტროენერგია არ მიეწოდება.
ავტორი: ხათუნა გულიაშვილი
