ტელეკომპანია „ფორმულას“ ორ თანამშრომელს თავს დაესხნენ. ფიზიკური შეურაცხყოფა ტელეკომპანიის მძღოლს მიაყენეს, კიდევ ერთ მძღოლს კი მანქანა დაუზიანეს.
არხის ხელმძღვანელობის განცხადებით, ეს ჟურნალისტური საქმიანობის ხელის შეშლის მორიგი ფაქტია და მოუწოდებენ შესაბამის უწყებებს, დროულად მოახდინონ რეაგირება და გამოიძიონ საქმე.
„მოდის პირდაპირი მუქარები, შეტყობინებები, რომლებიც სავსეა ამ ტიპის აგრესიული ტონითა და მუქარით. ეს ერთია, მაგრამ მეორეა, როდესაც იმ თანამშრომლებზე ძალადობენ, რომლებიც ჩვენთან ერთად ქმნიან იმ საერთო ჟურნალისტურ პროდუქტს, რომელსაც დღეს ჰქვია თავისუფალი მედია. ამიტომ, ჩვენ სრული უფლება გვაქვს ვიქონიოთ ეჭვი და გვაქვს გარკვეული მტკიცებულებებიც, რომ ეს ყველაფერი არის წახალისებული სწორედ სახელისუფლებო სტრუქტურების და პოლიტიკური ლიდერების მხრიდან. სწორედ ამის გამო, დაჟინებით მოვითხოვთ, რომ თითოეული ასეთი შემთხვევა იყოს გამოძიებული“,- აცხადებს ტელეკომპანია „ფორმულას”“გენერალური დირექტორის მოადგილე გიორგი თარგამაძე.
