თამარ ბაჩალიაშივლის ოჯახის წევრებმა და ადვოკატმა საქართველოს გენერალური პროკურატურა ცოტა ხნის წინ დატოვეს.
საქართველოს გენერალურ პროკურორთან შეხვედრის დასრულების შემდეგ, 23 წლის გარდაცვლილი პროგრამისტის დედამ განაცხადა, თამარ ბაჩალიაშვილის გარდაცვალების საქმის გამოძიებას პროკურატურა განაგრძობს.
თეონა თამაზაშვილის თქმით, მომდევნო შეხვედრა პროკურატურაში ხუთშაბათს შედგება. მისივე განცხადებით, რამდენიმე დღეში ექსპერტიზის შუალედური შედეგები ცნობილი იქნება.
„ჩემი შვილის მკვლელობის საქმეს გამოიძიებს პროკურატურა. ორი დღე უნდათ, რომ გამომძიებლები მასალას გაეცნონ. ხუთშაბათს მოვალთ და რაც კითხვები გვექნება, ერთად განვიხილავთ. ექსპერტიზის შემდეგ გადაკვალუფიცირდება. გამოთხოვილია შუალედური დასკვნა და, სავარაუდოდ, ხუთშაბათისთვის იქნება“. – განაცხადა თეონა თამაზაშვილმა.
