ყვარელში განვითარებულ მოვლენებთან დაკავშირებით თბილისის მერი, კახა კალაძე, შინაგან საქმეთა მინისტრს ვახტანგ გომელაურს მადლობას უხდის.
„კიდევ ერთხელ მადლობა ვახტანგ გომელაურს, შინაგან საქმეთა სამინისტროს თითოეულ თანამშრომელს, ძალიან მნიშვნელოვანი ოპერაცია ჩატარდა,“-განაცხადა კალაძემ.
ჟურნალისტების კიხთხვაზე ყვარელში განვითარებული მოვლენები შესაძლოა თუ არა არ მომხდარ
ჟურნალისტების კითხვაზე, ბადრი ესებუას დაკავების შემთხვევაში შესაძლოა თუ არა ეს ინციდენტი თავიდან აეცილებინათ კალაძემ განაცხადა, რომ ამაზე საუბარი რთულია.
„შეიძლება მომხდარიყო, შეიძლება არ მომხდარიყო, რთულია ამაზე თქმა“,- განაცხადა თბილისის მერმა.
ცნობისთვის, გუშინ ყვარელში შეიარაღებული პირი ” საქართველოს ბანკში” შეიჭრა, მძევლები აიყვანა და ნახევარი მილიონი მოითხოვა. რამდენიმესაათიანი სპეცოპერაციის შემდეგ სამართალდამცველებმა თავდამსხმელი დააკავეს.
რამდენიმე თვით ადრე მსგავსი შემთხვევა მოხდა ზუგდიდში, გამოძიების ცნობით, ბადრი ესებუა ამავე ბანკის ზუგდიდის ფილიალში შეიჭრა, მძევლები აიყვანა და ასევე ნახევარი მილიონი მოითხოვა, თანხის მიღების შემდეგ თავდამსხმელი შემთხვევის ადგილიდან მიიმალა. ბადრი ესებუა ამ დრომდე არ არის დაკავებული.
