უმრავლესობის დეპუტატის, თეა წულუკიანის განცხადებით, “მთავარი არხის” გენერალურ დირექტორთან ნიკა გვარამიასთან დაკავშირებით, მის განცხადებაზე კარლ ჰარცელის შეფასება ჰარცელის პირადი აზრი იყო და ეს ევროკავშირის პოზიციას არ წარმოადგენს.
“კარლ ჰარცელთან შეხვედრა საინტერესო და ნაყოფიერი იყო. შეხვედრისას გაირკვა, რომ ჩემთან დაკავშირებით მისი გუშინდელი განცხადება არის მისი პირადი პოზიცია და პირადი აზრი, რაც ნიშნავს, რომ ეს ევროკავშირის პოზიცია არ არის. ბატონმა ჰარცელმა შეხვედრიდან გამოსვლის შემდეგ განაცხადა, რომ ის თავის პოზიციაზე რჩება. ჩემთან შეხვედრისას განაცხადა, რომ მისი პოზიცია მისი პირადი აზრია. ადამიანს აქვს პირადი პოზიცია და არ არის მნიშვნელოვანი პირადად ვის რა პოზიცია გვაქვს – ჩემთვის მნიშვნელოვანია, რომ ეს ევროკავშირის პოზიცია არ არის”, – განაცხადა წულუკიანმა.
ცნობისთვის, კარლ ჰარცელმა წულუკიანის მიერ “მთავარი არხის” ერთ-ერთი დამფუძნებლის, გვარამიას ნომრის გამოცხადებაზე აღნიშნა, რომ ამ ფაქტის გამო, უსიამოვნების და გაკვირვების განცდა დაეუფლა.
