მეფე ერეკლე მეორეს სახელობის თელავის პირველი საჯარო სკოლა, ხვალიდან სწავლების დისტანციურ რეჟიმზე გადავა. მიზეზი ერთ-ერთი პედაგოგის კორონა ვირუსით ინფიცირება გახდა. ვირუსი დაუდასტურდათ, სკოლის ერთ-ერთი მოსწავლის მშობლებსაც.
სკოლის დირექტორის, მაია ოთარაშვილის ინფორმაციით, ვირუსის გამოვლენის დროს, პედაგოგი სკოლაში არ იმყოფებოდა.
„დამირეკა, რომ ტემპერატურა ჰქონდა და ვთხოვე არ მოსულიყო სკოლაში და გაეკეთებინა ტესტი. არ ჰქონდა ბევრ მოსწავლესთან შეხება, მაგრამ პრევენციისათვის, რამდენიმე თანამშრომელი მაინც გადავიდა თვითიზოლაციაში. ხვალიდან, დიდი ალბათობით, ონლაინ სწავლებაზე გადავალთ“ – განაცხადა ოთარაშვილმა “პრაიმტაიმტაიმნიუსთან.”
კორონა ვირუსი გამოუვლინდა, თელავის მეცხრე საჯარო სკოლის მოსწავლეების მშობლებსაც, რის გამოც სკოლის ორი კლასი, 19 ოქტომბრამდე, გაკვეთილებიდან დაითხოვეს. მოსწავლეების მშობლები საშემოსავლო სამსახურის თელავის სერვისცენტრის თანამშრომლები არიან.
დღევანდელი მდგომარეობით, სერვისცენტრის ათივე თანამშრომელი, კოვიდ-19-ით არის ინფიცირებული.
თელავში, სულ ცხრა საჯარო სკოლა ფუნქციონირებს. დღეს გამოვლენილი ფაქტი, თელავში
პედაგოგის კორონა ვირუსით ინფიცირების, პირველი დადასტურებული შემთხვევაა.
საგანგებო განცხადებას, სკოლებში შექმნილი ეპიდემიოლოგიური ვითარების შესახებ, კახეთის მხარეში, სახელმწიფო რწმუნებულის მოვალეობის შემსრულებელი, ირაკლი შიოშვილი, ხვალ გააკეთებს.
ავტორი: ხათუნა გულიაშვილი
