მიხეილ სააკაშვილის მოწოდების შემდეგ, რომ დადგინდეს ყველა იმ პოლიციელის სახელი და გვარი, ვინც ნიკა მელიას დაკავებაში მიიღებს მონაწილეობას, გიგი უგულავამ სპეცრაზმელებს „ტვ პირველის“ პირდაპირ ეთერში სპეცრაზმელებს მიმართა.
„მინდა მივმართო, სპეცრაზმელებს, რომლებიც ხუთი წუთის სავალზე, პეპელას დასახლებაში ყაზარმულ მდგომარეობაში არიან. მეგობრებო, ჩვენ ვიცნობთ ერთმანეთს, ეგ ყაზარმა ჩვენ გავხსენით თავის დროზე, გახსნაზეც ვიყავი და ბევრ თქვენგანთან ერთად გვისადილია კიდეც. არანაირი ინდულგენცია არ იქნება და ნუ გგონიათ, რომ ჩაფხუტი დაგიცავთ. კარგად იცით, რომ თქვენი სახელების, გვარების და კოორდინატების გაგება არ გაგვიჭირდება. ყველა ბოძზე იქნება მათი სახელები და გვარები, ვინც მშვიდობიანი მოქალაქეზე აღმართავს ხელს, ყველა სოციალური ქსელი გადაჭედილი იქნება, ისე, რომ მათი ოჯახის წევრებს შერცხვეთ, მათ შვილებს შერცხვეთ, რომ ჰყავთ მამა, რომელიც მოვა და აქ უსუსურ ადამიანებს თავში ჩაარტყამს. მათ მშობლებს უნდა შერცხვეთ“, – განაცხადა გიგი უგულავამ.
შეგახსენებთ, რომ სასამართლოს გადაწყვეტილებით, გიგი უგულავას მიმართ აღკვეთის ღონისძიება, გირაო პატიმრობით შეიცვალა.
პოლიციელების მისამართები უნდა გამოვაქვეყნოთ, ყველას დედ-მამასთან უნდა მივიდეთ – სააკაშვილი
