„რუსთავი 2“-ზე „ღამის კურიერში“ სტუმრობისას გადაცემის წამყვანის ირაკლი იმნაიშვილსა და „ლეიბორისტული პარტიის“ ლიდერს შორის მცირე კამათი მოხდა.

ჟურნალისტმა შალვა ნათელაშვილს მიმართა, რომ „რუსთავი 2“ არც ერთ პოლიტიკურ პარტიასთან და მათ შორის არც „ლეიბორისტულ პარტიასთან“ თანამშრომლობას არ აპირებს, სანაცვლოდ კი ნათელაშვილმა უპასუხა, რომ მასთან ძმაკაცობის და მეგობრობის სურვილი არც მას აქვს.

– ჩვენ ერთმანეთთან არასდროს ვითანამშრომლებთ. მას შემდეგ რაც მე საქართველოში ჩამოვედი, 14-წლიანი პრაქტიკიდან BBC-ზე და ეს არ იყო პრაქტიკა, ეს იყო მუშაობა საუკეთესო ორგანიზაციაში. „რუსთავი 2“ არასდროს არ ითანამშრომლებს არც ერთ პოლიტიკურ ძალასთან, მათ შორის არც  „ლეიბორისტურ პარტიასთან“. ეს არის ყველაზე დიდი მიღწევა, რაც „რუსთავი 2“-ის ახალმა გუნდმა მოიტანა.

– არასწორედ გაიგეთ. მხედველობაში მაქვს ის, რომ თქვენს მტკივნეულ კითხვებს ყოველთვის პასუხს გავცემ. თქვენთან ძმაკაცობას და მეგობრობას არ ვაპირებ, არც ჭიქის მიჭახუნებას“, – მიმართა ნათელაშვილმა ირაკლი იმნაიშვილს.