დონალდ ტრამპმა, თავის ბოლო სიტყვებში, როგორც აშშ-ს პრეზიდენტმა, პირობა დადო, რომ ამერიკისთვის „ყოველთვის იბრძოლებდა“ შემდეგ კი, ბაიდენის ადმინისტრაციას წარმატებები უსურვა. ინფორმაციას CNN ავრცელებს.
„გასაოცარი ხალხი ხართ. ეს არის დიადი, დიდებული ქვეყანა. ჩემი უდიდესი ღირსება და პრივილეგიაა თქვენ პრეზიდენტად ყოფნა“ – განაცხადა ტრამპმა.
„თქვენთვის ყოველთვის ვიბრძოლებ. თვალს გადევნებთ. მოვისმენ და გეტყვით, რომ ამ ქვეყნის მომავალი უკეთესი არასდროს ყოფილა. ახალ ადმინისტრაციას დიდ იღბალსა და წარმატებას ვუსურვებ. ვფიქრობ, წარმატებულები იქნებიან. მათ აქვთ საძირკველი, რაღაც თვალწარმტაცის შესაქმნელად“ – დაამატა ყოფილმა პრეზიდენტმა.
აღსანიშნავია ისიც, რომ მან ასევე, მადლობა გადაუხადა, ყოფილ ვიცე-პრეზიდენტს – მაიკ პენსსა და მის მეუღლე – კარენ პენსს.
