გიორგი გახარია იყო კარგი პრემიერ-მინისტრი. მას ბევრი მნიშვნელოვანი საქმე აქვს გაკეთებული, – ამის შესახებ საპარლამენტო უმრავლესობის წევრმა, ბექა დავითულიანმა ყოფილი პრემიერ-მინისტრის გიორგი გახარიას განცხადების შეფასებისას განაცხადა.
მისივე თქმით,რაც უფრო მეტი ჯანსაღი ძალა იქნება ქართულ პოლიტიკურ ველზე, მით უფრო კარგია პოლიტიკისთვის.
„საქართველო დემოკრატიული რესპუბლიკაა და ყველას აქვს უფლება, პოლიტიკური ძალა შექმნას და წარმოაჩინოს თავისი ხედვები პოლიტიკურ ასპარეზზე. გიორგი გახარია ქართულ პოლიტიკაში ჯერ არ შემობრუნებულა, თუ შემობრუნდება, კონკურენტი იქნება, რადგან ის ამ პარტიიდანაა წასული. ჯერ თავისი პოლიტიკური გეგმების ანონსი გააკეთოს და შემდეგ ვისაუბროთ დანარჩენზე”,- განაცხადა დავითულიანმა.
ცნობისთვის, ყოფილმა პრემიერ-მინისტრმა, გიორგიმ გახარიამ დღეს განაცხადა, რომ პოლიტიკიდან წასვლას არ აპირებს.
