ფრაქცია „დამოუკიდებელი დეპუტატების” წევრი ლევან კობერიძე აღნიშნავს, რომ პანდემიის მიზეზით არჩევნების გადადებაზე საუბარი ბუნდოვანია და თავის დაზღვევის მცდელობაა.
არჩევნები შეიძლება დეკემბერში ჩატარდეს – ირაკლი კობახიძე
„ეს არის თავის დაზღვევის მცდელობა და მეორეს მხრივ ბუნდოვანების შემოტანა პოლიტიკურ ველზე. მე რამდენადაც მაქვს ინფორმაცია „ქართული ოცნება” აპირებს, რომ ძალიან მალე განიხილოს ის შედეგები, რომელიც მათი კვლევის შედეგად იქნება და ამ კვლევების შედეგად გადაწყვეტენ, თუ ძალიან ცუდი მდგომარეობა ექნებათ, ეცდებიან, რომ არჩევნები გადასწიონ, იქნებ რაიმე პოზიტივი მიიღონ. თუკი ეპიდემიოლოგიური სიტუაცია გართულდება, ეს უნდა ვიცოდეთ ჩვენ და წინასწარი პროგნოზებიც არსებობდეს,” – განაცხადა ლევან კობერიძემ.
„ქართული ოცნების“ წევრმა ირაკლი კობახიძემ განაცხადა, რომ თუ ეპიდსიტუაცია გაუარესდება, შესაძლოა არჩევნები დეკემბერში ჩატარდეს.
