თურქეთის ელჩი საქართველოში ფატმა სერენ იასგანი აღმაშენებლის გამზირზე იმ კაფეში მივიდა, სადაც 3 სექტემბერს სისხლიანი გარჩევა მოხდა.
როგორც ელჩი ამბობს, ერთ-ერთი დაჭრილი თურქეთის მოქალაქეა. ის ამბობს, რომ საქართველოს შინაგან საქმეთა მინისტრთან აუდიენცია ექნება.
„კაფეში მივდივარ, გავიგე, რომ აქ ინციდენტი მოხდა. მე მექნება აუდიენცია საქართველოს შინაგან საქმეთა მინისტრთან მომხდარის თაობაზე, მასთან კონტაქტზე ვარ. მოვედი, რათა ადგილზე ვნახო და გავეცნო, თუ რას ჰქონდა ადგილი ამ კონფლიქტში. დაშავებული თურქეთის მოქალაქეა, ძალიან ვწუხვარ მომხდარის გამო…
დავათვალიერე შემთხვევის ადგილი. თვალყურს მივადევნებ მომხდარის შესახებ შემდგომ მსვლელობას. ძალიან კარგად ვთანამშრომლობ ქართულ მხარესთან ,” – ამბობს თურქეთის ელჩი.
