ზღვისპირეთში ინფექციის გავრცელების თავიდან ასაცილებლად მიიღეს გადაწყვეტილება, რომ ბარ-რესტორნების და სასტუმროების მომსახურე პერსონალს ჩაუტარდეს ტესტირება,- ამის შესახებ ჯანდაცვის მინისტრმა, ეკატერინე ტიკარაძემ განაცხადა.
მისივე თქმით, სწორედ, ზღვისპირეთში ინფექციის გავრცელების თავიდან ასაცილებლად მიიღეს გადაწყვეტილება, რომ ბარ-რესტორნების და სასტუმროების მომსახურე პერსონალს ჩაუტარდეს ტესტირება.
„აუცილებელია, რომ ეს გავითვალისწინოთ იმისათვის, რომ არ მოხდეს ლოკალურად ინფექციის ფართომასშტაბიანი გავრცელება და აჭარა და გურია არ მოხვდეს რეგიონების იმ ჩამონათვალში, რომლების ჩაკეტვაც მოხდა. აქედან გამომდინარე, ჩვენ მივიღეთ გადაწყვეტილება, რომ მივმართოთ გარკვეულ პრევენციულ ღონისძიებებს, რაც აისახება იმაში, რომ მოვახდენთ სავალდებულო ტესტირებას ყველა იმ თანამშრომლის, სადაც არის ძალიან დიდი ტურისტული ნაკადი და შევქმნით და უზრუნველვყოფთ პირობებს, სადაც ჩვენი მოქალაქეები, რომლებიც დღესდღეობით ისვენებენ ზღვაზე, ექნებათ გარკვეული ტესტირების საშუალებები და ამისათვის შევქმნით დამატებით ლოკაციებს“, – განაცხადა ეკატერინე ტიკარაძემ.
