ტყიბულში მომხდარ მკვლელობათან დაკავშირებით 5 ადამიანია დაკავებული. ისინი ამ დროისთვის ტყიბულის პოლიციის განყოფილებაში არიან.
“ჩემი მეუღლე და კიდევ ოთხი ადამიანი დღეს დილით ადრე ტყიბულის გზაზე დააკავეს. ჯერ სცემეს ისე რომ არც აუხსნიათ რა ხდებოდა და ამის შემდეგ განყოფილებაში წაიყვანეს”, – ამბობს ერთ-ერთი დაკავებულის მეუღლე ნინო მეფარიძე.
8 აგვისტოს ტყიბულში ახალგაზრდა მამაკაცი მოკლეს. პრაიმტაიმის ინფორმაციით, მოკლული კრიმინალური ავტორიტეტის მქონე პირია, რომლის მეტსახელია “კუკა”.
მომხდარზე გამოძიება სისხლის სამართლის 108-ე მუხლით მიმდინარეობს, რომელიც განზრახ მკვლელობას გულისხმობს.
