ნორვეგიის პარლამენტის წევრმა, ქრისტიან ტიბრინგ-გიედემ აშშ-ის პრეზიდენტი, დონალდ ტრამპი მსოფლიოში გაჭიანურებული კონფლიქტების გადაჭრის ძალისხმევისთვის მშვიდობის დარგში 2021 წლის ნობელის პრემიაზე წარადგინა. ინფორმაციას telegraph-ი ავრცელებს.
ნობელის მშვიდობის პრემიაზე აშშ-ის პრეზიდენტის წარდგენის საფუძველი ისრაელსა და არაბთა გაერთიანებულ საამიროებს შორის სამშვიდობო შეთანხმების მიღწევა გახდა, მოლაპარაკებებში კი, შუამავლის როლს ტრამპის ადმინისტრაცია ასრულებდა.
„ვფიქრობ, რომ სახელმწიფოებს შორის მშვიდობის დამყარების მცდელობებით მან უფრო მეტი გააკეთა, ვიდრე მშვიდობის დარგში ნობელის პრემიის სხვა ნომინანტებმა“, – განაცხადა ნორვეგიელმა პარლამენტარმა.
