აშშ-ის პრეზიდენტი, დონალდ ტრამპი ჯორჯიის შტატის სახელმწიფო მდივანს, ბრედ რაფენსპერგერს საკმარისი რაოდენობის ბიულეტენის მოძებნას სთხოვს, რათა არჩევნების შედეგები შეიცვალოს.
„მე მხოლოდ 11 780 ხმის პოვნა მინდა“, – უთხრა ტრამპა ბრედ რაფენსპერგერს.
ჩანაწერში ტრამპი ამბობს, რომ ჯორჯიის შტატში არჩევნები მოიგო და არაფერია ცუდი, თუ იტყვიან, რომ არჩევნების შედეგები ხელახლა გადაითვალეს.
ასევე, ტრამპმა მინიშნება გააკეთა, რომ თუ ჯორჯიის შტატის სახელმწიფო მდივანი და მისი იურიდიულ მრჩეველი, რაიან ჯერმანი იმ ბიულეტენებს არ იპოვნიან, რომელიც მის სასარგებლოდ იყო მიცემული, ხოლო შემდგომში განადგურებული, ისინი დანაშაულის თანამონაწილეები გახდებიან.
„თქვენ იცით, თუ რა ჩაიდინეს მათ და ამას არ ამჟღავნებთ. ეს სისხლის სამართლის დანაშაულია. არ შეგიძლიათ ეს დაუშვათ. ეს დიდი რისკია თქვენთვის“, – განაცხადა აშშ-ის პრეზიდენტმა.
საპასუხოდ, რაფენსპერგერმა დონალდ ტრამპს განუცხადა, რომ ჯორჯიის შტატის არჩევნების შედეგები რეალობას შეესაბამება.
შეგახსენებთ, რომ აშშ-ის ამომრჩეველთა კოლეგიამ საპრეზიდენტო არჩევნებში გამარჯვებულად ჯო ბაიდენი აღიარა. თუმცა, დონალდ ტრამპი არჩევნებში დამარცხებას არ აღიარებს და აცხადებს, რომ არჩევნების შედეგები გაყალბებულია.
