სამოქალაქო აქტივისტის, გიგია მაქარაშვილის განცხადებით, კომენდანტის საათის დარღვევის გამო ჯარიმის გადახდას არ აპირებს.
ამასთან, გიგა მაქარაშვილი უარს ამბობს შინაგან საქმეთა სამინისტროში გამოკითხვაზე მისვლაზე.
“დაგვიბარეს გამოკითხვაზე, შესაძლო სამართალდარღვევასთან დაკავშირებით, სადაც ბუნებრივია, არ წავედით. წერონ და იკითხონ თავიანთი ჯარიმები, არაფრის გადახდას არ ვაპირებთ და შემდგომშიც მაშინ დავარღვევთ, როცა მოგვინდება. მუდმივად წნეხის ქვეშ იქნებიან და მოუწევთ ასეულობით ადამიანის დაჭერა, როცა გავალთ ქუჩაში. ან გაიჩენენ ახალ პოლიტპატიმრებს, ან მოუწევთ იმის აღიარება, რომ მათი გამოშვებული კანონები უაზროა,”- აცხადებს გიგა მაქარაშვილი.
აქციის მონაწილეებმა რუსთაველიდან დედა ენის ბაღამდე აქცია-მსვლელობა გამართეს და კომენდანტის საათი დაარღვიეს.
