17:00 საათის მონაცემებით, არჩევნებზე მოქალაქეების აქტივობა 20,74%-ია.
ცესკოს მონაცემებით, ყველაზე დაბალი აქტივობა მე-7-ე მაჟორიტარულ ოლქში ფიქსირდება.
„17:00 საათის მონაცემებით, არჩევნებზე მოქალაქეების აქტივობა 20,74%-ია.
ყველაზე მაღალი აქტივობა დაფიქსირდა აჭარაში, 30-ე მაჟორიტარულ ოლქში, სადაც შედის: ქედის შუახევის, ხელვაჩაურის და ხულოს მუნიციპალიტეტები, მისული ამომრჩევლების რაოდენობა არის 30 162.
ყველაზე დაბალი აქტივობა დაფიქსირდა ნაძალადევში, მე-7-ე მაჟორიტარულ ოლქში – 16%“, – აცხადებენ ცესკოში.
დღეს, 21 ნოემბერს, საქართველოს მასშტაბით, 17 საარჩევნო ოლქში არჩევნების მეორე ტური იმართება. ოპოზიციური პარტიები მეორე ტურებში მონაწილეობას არ იღებენ და პარლამენტში შესვლასაც არ აპირებენ.
იმ ოლქებში, სადაც პირველ ტურშივე გამოვლინდა გამარჯვებული, ყველა „ქართული ოცნების” წარმომადგენელია. დარჩენილი 17 ოლქიდან მხოლოდ ერთში, გლდანში ლიდერობდა ოპოზიცია.
