ცენტრალურ საარჩევნო კომისიის შენობასთან ოპოზიციის აქცია დასრულდა.
აქციის მონაწილეები პოლიციის მიერ განთავსებულ რკინის ჯებირებს ჯოხებს, ქვებს და ხელებს ურტყამდნენ და ამ ფორმით ცდილობდნენ ცესკოს თავმჯდომარე თამარ ჟვანიასთვის ხმა მიეწვდინათ.
შეგახსენებთ, 31 ოქტომბრის საპარლამენტო არჩევნები საერთაშორისო დამკვირვებლებმა შეაფასეს და აღნიშნეს, რომ საქართველოში საპარლამენტო არჩევნებზე ფუნდამენტური თავისუფლება და პროცედურების უმეტესობა დაცული იყო. ამის მიუხედავად, მეექვსე დღეა ოპოზიციის წარმომადგენლები საპარლამენტო არჩევნების შედეგებს აპროტესტებენ. 9 ზღვარგადალახული პარტიიდან 8 პარტია პარლამენტში შესვლას არ აპირებს.
არ წყდება საპროტესტო აქციები. ოპოზიციის წარმომადგენლები ცესკოს ხმების მოპარვაში ადანაშაულებენ.
5 ნოემბერს, თბილისსა და ქუთაისში, რამდენიმე საოლქო კომისიის შენობასთან გაერთიანებული ოპოზიციის აქცია გაიმართა.
ასევე ხმაური იყო 4 ნოემბერს, საქართველოს რეგიონებში, სხვადახვა საარჩევნო ოლქში.
იხილეთ ვიდეო – დემონსტრანტები ცესკოს შენობასთან განთავსებულ რკინის ჯებირებს ჯოხებს და ქვებს ურტყამენ
