„ქართული ოცნების“ დეპუტატი ნინო წილოსანი გავრცელებულ აუდიოჩანაწერს ეხმაურება.
მისი თქმით, თანამედროვე ტექნოლოგიების გამოყენებით შექმნილ ტყუილებს მაშინ გაეცემა პასუხი, როცა ადეკვატურ რეაგირებას დავიწყებთ.
„ჩვენი საზოგადოება დეკლარაციულად მუდმივად გმობს ფარულ და ფაბრიკაციულ ჩანაწერებს, არ მოგვწონს, ჭკუას ვარიგებთ ერთმანეთს, თუმცა ყოველ ჯერზე დიდი ინტერესით და გაფართოებული თვალებით ვითვისებთ ახალ ნაგავ ინტერნეტ მასალას. ონლაინ სამყაროს წესებით, deepfake და თანამედროვე ტექნილოგიების გამოყენებით შექმნილ ტყუილებს მაშინ გაეცემა პასუხი, როცა ჩვენ ადეკვატურ რეაგირებას დავიწყებთ. გუშინ გავრცელებული, მდაბიოდ შეკოწიწებული ფეიკ ჩანაწერები, (თავად სატელევიზიო სივრცეში რომ ტვ პირველის გაკეთებულ ვიდეოს ეძახიან) მეტი არაფერია, თუ არა დაგეგმილი აქტი, კიდევ ერთი მიზეზი მოძებნოს ოპოზიციამ, გავიდეს ცივილური სივრციდან. რატომ წვალობთ.. პირდაპირ თქვით და არ ხართ ცივილური სამყაროს ნაწილი და უკვე სათანადოდ ინფორმირებული საზოგადოება გაგცემთ პასუხს”, – წერს წილოსანი.
ცნობისთვის, “ტვ პირველის” ინფორმაციით, მათ მოიპოვეს ფარული აუდიოჩანაწერი, რომელშიც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, დასჯას უკვეთავს.
