საქართველოს პრემიერ-მინისტრი გიორგი გახარია აცხადებს, რომ ცვლილებებზე მხარდაჭერაზე უარის თქმა კრიმინალური ქეისებით ვერ გამართლდება.
„საქართველოს შემდეგი დემოკრატიზაცია და მისი ევროატლანტიკური ინტეგრაცია არის შეუქცევადი და ამას მივეცით ჩვენ ახლა ხმა.
ვინც გარკვეული ვიწრო პოლიტიკური ეგოისტური ინტერესებიდან ამ საკანონმდებლო ცვლილებებს ხმა არ მისცა და ამას ამართლებს აბსოლუტურად გაურკვეველი კრიმინალური ქეისებით, ეს თავის გამართლება უბრალოდ არ იმუშავებს,“- განაცხადა გახარიამ.
კითხვაზე რომელი რეიტინგით ხელმძღვანელობს მმართველი გუნდი, გახარია აცხადებს, რომ რეიტინგებისა და წინასაარჩევნო კამპანიისთვის არ სცალია.
„სამწუხაროდ არც რეიტინგებისთვის მცალია და არც წინასაარჩევნო კამპანიისთვის ან სიებისთვის, ტყუილად არ ვამბობთ, მერწმუნეთ მართლა სერიოზული კრიზისის პირობებში ვცხოვრობთ, ძალიან კარგად გვესმის რომ დღეს სულ უფრო მნიშვნელოვანი ხდება კრიზისის ეკონომიკური შემადგენლობა. 24 საათი გავქვს სამუშაო იმისთვის რომ საქართველოს თითოეულ ოჯახს ის ზიანი რაც კრიზისმა მიაყენა სასწრაფოდ აღვადგინოთ“,- განაცხადა გიორგი გახარიამ.
