ინფრასტრუქტურის მინისტრისა და ვიცე-პრემიერის მაია ცქიტიშვილის განცხადებით, ხელისუფლებამ 20 ივნისის დაზარალებულის, მაკო გომურის მკურნალობის კურსი დააფინანსა და მკურნალობის ხარჯების ანაზღაურებაშიც ეხმარება.
„როგორც იცით, მაკო გომურის მკურნალობის კურსი დაფინანსდა. რა თქმა უნდა, მკურნალობის ხარჯების ანაზღაურებაში ვეხმარებოდით მაკოსაც და სხვა დაზარალებულებსაც. ეს ჯანდაცვის სამინისტროს გადაწყვეტილებაა და დახმარების პროგრამა გაგრძელდება. ვწუხვარ, თუ რაიმე უხერხულობა იყო“, – განაცხადა ცქიტიშვილმა.
შეგახსენებთ, მაკო გომურმა გუშინ სოციალურ ქსელში დაწერა, რომ თვალის პროთეზი გაუტყდა.
