საქართველოს იუსტიციის მინისტრის, თეა წულუკიანის განცხადებით, მინსკში განხორციელებულ ფრენასთან დაკავშირებით გავრცელებული ყალბი ინფორმაცია, დიდი სირცხვილია.
„ელჩი იმყოფებოდა თავის სამშობლოში, თბილისში და როდესაც დასჭირდა სახელმწიფოს, იმიტომ რომ ვერც ერთი ელჩი და საქართველოს მოქალაქე წინასწარ ვერ ივარაუდებდა, რომ მინისკში იქნებოდა ის მოვლენები, რომელიც მიმდინარეობს. სახელმწიფომ დროული გადაწყვეტილება მიიღო და სამთავრობო რესურსით ელჩი გაუშვა იქ, სადაც სახელმწიფოს შეიძლება, ახლა დასჭირდეს წარმომადგენელი.
ვფიქრობ, ამ ნორმალური სიტუაციიდან არანორმალურობის განცდის შექმნა არის მორიგი ყალბი ინფორმაციის შექმნის მცდელობა, რადგან იმავე ინფორმაციაში ითქვა, რომ ამ რეისმა მინსკიდან კრიმინალი ჩამოიყვანა საქართველოში. ამგვარი ყალბი ინფორმაციების შექმნა არის ძალიან დიდი სირცხვილი იმიტომ, რომ საზოგადოება ხვდება, ესა თუ ის არხი ავრცელებს ყალბ ინფორმაციას“, – განაცხადა წულუკიანმა.
დაგაინტერესებთ: ვინ ჩაფრინდა გუშინ ბელარუსში სამთავრობო თვითმფრინავით – საგარეო უწყების განამარტება
