ტუნისის სანაპიროსთან ორი ნავი ჩაიძირა. შემთხვევის შედეგად 39 მიგრანტი დაიღუპა. ისინი იტალიის კუნძულ ლამპედუზაზე გადასვლას ცდილობდნენ.
ამის შესახებ უცხოური მედია წერს.
გამოცემის ცნობით, ყველა დაღუპული მიგრანტი სუბსაჰარული აფრიკიდანაა. სანაპირო დაცვის თანამშრომლებმა 165 ადამიანის გადარჩენა შეძლეს, დაკარგულების ძებნა კი ამ დრომდე გრძელდება.
2019 წელს 90-მდე აფრიკელი მიგრანტი დაიხრჩო, როდესაც ტუნისის სანაპიროზე მათი ნავი გადაბრუნდა.
2020 წელს იტალიის სანაპიროებზე ჩამოსული ტუნისელი მიგრანტების რიცხვი ხუთჯერ გაიზარდა და 13,000 შეადგინა.
