„ევროკავშირის შიგნითაც ვიგებთ ინფორმაციას, რომ ერთგვაროვანი მიდგომა ყველა ქვეყნას არ აქვს. ჩვენ ვაკეთებთ ყოველდღიურ ანალიზს და ამ სიფრთხილეს აქვს თავისი ახსნა“,- ამის შესახებ ფინანსთა მინისტრმა, ივანე მაჭავარიანმა ფრენებთან დაკავშირებით განაცხადა.
მისი თქმით, ამ შემთხვევაში მთავარია ეპიდემიოლოგიური აფეთქება ავიცილოთ თავიდან.
„ევროკავშირიდან დღეს რა რაოდენობა ადამიანიც შეიძლება ჩამოვიდეს, არის ძალიან მცირე. ეს ეკონომიკისთვის მნიშნველოვანია, როდესაც საერთოდ არ გვყავს ტურისტი არ გვაწყენს, მაგრამ შარშანდელთან შედარებით მცირეა.
ეპიდემიის თვალსაზრისით, რისკი საკმაოდ მაღალია. მაგალითად 50 000 ტურისტი რომ შემოვიდეს წლის ბოლომდე, ეს არის ეკონომიკისთვის ზღვაში წვეთი. მათი 1%-ი რომ იყოს დაინფიცირებული, ამან შეიძლება ვირუსის საკმაო გავრცელება გამოიწვიოს.
ჩვენ სიფრთხილით მოვეკიდებით და შევეცდებით რომ ქვეყნები შეირჩეს სწორად ან უსაფრთხოების წესები ისე, რომ პირველ რიგში ავიცილოთ ეპიდემიოლოგიური აფეთქება. ეს არის ფილოსოფია იმის, თუ რატომ არ გამოვვარდით მეორე დღესვე და ყველა მიმართულებით ფრენები არ არის აღდგენილი“,- განაცხადა მაჭავარიანმა.
ასევე, ნახეთ:
- ემიგრანტებისთვის სამშობლოში დასაბრუნებული ბილეთის ფასი 200 ევროს არ უნდა აღემატებოდეს – გიორგი გახარია
- მზად ვართ აღვადგინოთ ფრენები! – ავიაკომპანია Wizz Air ოფიციალურ განცხადებას ავრცელებს
- საერთაშორისო ფრენები ივლისის ბოლომდე გადავადდება
- ევროპული ქვეყნები, რომლებმაც საქართველოს მოქალაქეებისთვის საზღვრები (არ) გახსნეს
