„ტვ პირველის“ ჟურნალისტი მაკა ჩიხლაძე სახელმწიფო უსაფრთხოების სამსახურში გამოკითხვაზე იმყოფებოდა.
როგორც დაკითხვიდან გამოსულმა ჟურნალისტმა განაცხადა, კითხვები მის მიერ მომზადებული რეპორტაჟის ირგვლივ იყო.
მაკა ჩიხლაძის თქმით, გამომძიებლების ყველა კითხვაზე მისი პასუხი იყო, რომ მას საპროცესო კოდექსის 50-ე მუხლი იცავს და წყაროს გათქმის ვალდებულება არ აქვს.
„გამომძიებელს კითხვები ჰქონდა იმასთან დაკავშირებით რამდენი ხანია რაც ვიცნობ გიორგი გაბუნიას, როდის გავიგე რომ დანაშაული იყო დაგეგმილი, მისაუბრია მასთან ამ თემაზე იმის გარდა რაც ის ჩემი რესპოდენტი იყო.
კითხვები ჰქონდათ საიდან მქონდა ინფორმაცია, არსებობს თუ არა დოკუმენტები და ა.შ. ყველა კითხვაზე იყო პასუხი რომ მე მიცავს 50-ე მუხლი და არ მაქვს ვალდებულება, რომ გავთქვა ჩემი წყაროები“ – განაცხადა მაკა ჩიხლაძემ.
