Twitter-ის ხელმძღვანელი, ჯეკ დორსი აცხადებს, რომ აშშ-ს მოქმედი პრეზიდენტის, დონალდ ტრამპის ანგარიშის დაბლოკვა სწორი გადაწყვეტილება იყო. ინფორმაციას ამის შესახებ BBC-ი ავრცელებს.
დორსის თქმით, ტრამპის გვერდის დაბლოკვამდე სოციალურმა ქსელმა ის ბევრჯერ გააფრთხილა. კერძოდ, აშშ-ს მოქმედი პრეზიდენტის ტვიტების ქვეშ ყოველთვის ჩნდებოდა გამაფრთხილებელი ინფორმაცია.
როგორც დორსიმ აღნიშნა, შესაძლოა, სოციალური ქსელის ეს გადაწყვეტილება ღია და თავისუფალ ინტერნეტზე აისახოს.
„ასეთი ქმედებები საჯარო დისკუსიის ფრაგმენტაციას ახდენს. ეს ნაბიჯები გვყოფს და ქმნის პრეცედენტს, რომელიც სახიფათოა“, – აცხადებს დორსი.
შეგახსენებთ, რომ სოციალურმა ქსელმა ტრამპის ანგარიში მას შემდეგ დაბლოკა, რაც აშშ-ს კაპიტოლიუმში ტრამპის მომხრეები შეიჭრნენ.
