უკრაინაში დღეიდან მკაცრი საყოველთაო კარანტინი ამოქმედდა. ინფორმაციას ამის შესახებ უცხოური მედია ავრცელებს. მკაცრი შეზღუდვები ქვეყანაში 25 იანვრამდე იმოქმედებს.
დღეიდან უკრაინაში იხურება რესტორნები, კაფეები, ბარები და მაღაზიები, სურსათის მაღაზიისა და აფთიაქების გარდა. საკვები ობიექტები მხოლოდ გატანის სერვისზე იმუშავებს. იხურება სპორტ-დარბაზები, აუზები, კინოთეატრები და თეატრები. ასევე იხურება სასწავლო დაწესებულებები, საბავშვო ბაღების გარდა.იკრძალება გასართობი, კულტურული და სპორტული ღონისძიებები.
საზოგადოებრივი ტრანსპორტი მუშაობას განაგრძობს.
