გლდანში, მეტროსადგურ „ახმეტელის“ მიმდებარე ტერიტორიაზე, ერთ-ერთ საცხოვრებელ კორპუსთან ამ დრომდე მობილიზებულნი არიან სამართალდამცველები.
ადგილზე იმყოფებიან როგორც საპატრულო პოლიციის თანამშრომლები, ასევე ექსპერტ-კრიმინალისტები.
ცოტა ხნის წინ შემთხვევის ადგილზე მივიდა სასწრაფო სამედიცინო დახმარების ჯგუფები.
მომხდარის შესახებ დამატებითი დეტალები ამ დრომდე უცნობია.
როგორც ადგილობრივები აცხადებენ, მათ რამდენიმე გასროლის ხმა გაიგეს. სავარაუდოდ მოქალაქე ბინიდან უმისამართოდ ისროდა.
