უცხო ენების გამოცდის დილის სესიაზე მისულ რამდენიმე აბიტურიენტს მაღალი ტემპერატურა დაუფიქსირდა და ისინი სარეზერვო სექტორში აბარებენ გამოცდას. ამის შესახებ შეფასებისა და გამოცდების ეროვნული ცენტრის ხელმძღვანელმა, სოფო გორგოძემ განაცხადა.
მისი თქმით, გამოცდაზე აბიტურიენტთა 93% გამოცხადდა.
„რაც შეეხება დილის სესიას, დღეს დაიწყო უცხო ენების გამოცდა. გამოცხადდა აბიტურიენტების 93%. საბედნიეროდ არ გვაქვს არც ერთი დაგვიანება. ასე, რომ მეორე სესიაზეც მოვუწოდებ აბიტურიენტებს, რომ არ დააგვიანონ და დაგვიანების გამო არ გამოეთიშონ საგამოცდო პროცესს.
სიცხე დაუფიქსირდა რამდენიმე აბიტურიენტს და ისინი არიან განთავსებული სარეზერვო სექტორში“, – განაცხადა სოფო გორგოძემ.
ცნობისთვის, დღეს ერთიანი ეროვნული გამოცდების უცხოური სესიები მიმდინარეობს.
