ვაკის რაიონში 5 თებერვლიდან 7 თებერვლამდე წყალმომარაგება შეწყდება. „ჯორჯიან უოთერ ენდ ფაური“ ვაკის რაიონში, ბაგებში, ჭავჭავაძის N78-ის მიმდებარედ აუცილებელ ტექნიკურ სამუშაოებს იწყებს.
„წყალმომარაგების გაუმჯობესებისა და წყლის ნაკადების ეფექტურად მართვის მიზნით, „ჯივიპი“ წყალსადენის ქსელზე არსებულ ძველ ურდულებს შეცვლის თანამედროვე ევროსტანდარტის ჩამკეტ-მარეგულირებელი ურდულებით და ქსელზე საკვანძო ჭებს მოაწყობს. სამუშაოების დასრულების შემდეგ კომპანია გზაზე ასფალტის ახალ საფარს დააგებს. გადაუდებელი ტექნიკური სამუშაოების მიმდინარეობისას წყნეთის გზატკეცილის მიმართულებით ნაწლობრივ შეფერხდება საგზაო მოძრაობა 5 თებერვლის საღამოს 22:00 საათიდან 7 თებერვლის დილის 10:00 საათამდე. აღნიშნულთან დაკავშირებით 6 თებერვლის დილის 11:00 საათიდან 7 თებერვლის 01:00 საათამდე წყალმომარაგება შეეზღუდება: ვაკის რაიონში: ჭავჭავაძის გამზირის ნაწილს, თამარაშვილის ქუჩის ნაწილს, წყნეთის გზატკეცილს და შესახვევებს, ჩოლოყაშვილის, ციციშვილის, დოლიძის, ამაღლების და მიმდებარე ქუჩებს.
„ჯორჯიან უოთერ ენდ ფაუერი“ მოსახლეობას ბოდიშს უხდის შექმნილი დისკომფორტისთვის. წყალმომარაგების შეზღუდვისა და აღდგენის შესახებ ინფორმაციას „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით აწვდის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, „ფეისბუქისა“ და ვებგვერდის მეშვეობით“, – აღნიშნულია ინფორმაციაში.
