საგარეო საქმეთა მინისტრი, დავით ზალკალიანი მიხეილ სააკაშვილის განცხადებას ეხმაურება და ამბობს, რომ ასეთი განცხადებები უკრაინის მოქალაქისგან სხვა ქვეყნის საშინაო და საარჩევნო პროცესში ჩარევაა.
მისი თქმით, დღეს უკრაინის ელჩი დაბარებულია საელჩოში და განამრტებებსაც გააკეთებს.
„ეს არის ის საკითხი, რის გამოც ჩვენ გვქონდა სერიოზული მიდგომა და გამოვიწვიეთ ელჩი კონსულტაციებისთვის. ვაფრთხილებდით უკრაინელებს, ადამიანი ინიშნება თანამდებობაზე და არის ძებნილი, იყო მოლოდინი რომ გააგრძელებდა საქართველოს საქმეებში ჩარევას. ეს იყო ჩვენი წუხილი ამიტომ გამოვიწვიეთ ელჩი.
ეს განცხადება უკრაინის მოქალაქისგან სხვა ქვეყნის საშინაო და საარჩევნო პროცესში ჩარევაა. მაინტერესებს უკრაინელი კოლეგებისგან. ამაზეც გვექნება საუბარი. დღეს ელჩს დავიბარებთ და მოვთხოვთ განმარტებებს. ეს არის უცხო ქვეყნის სტრატეგიული პარტნიორის თანამდებობის პირის ჩარევა სხვა ქვეყნის საქმეებში. მოვისმენთ განმარტებებს.
ცნობისთვის, მიხეილ სააკაშვილმა განაცხადა, რომ წლევანდელ არჩევნებზე გადაწყდება, საქართველო დაიღუპება თუ გაიმარჯვებს.
„არ ვაპირებ მშვიდად ვუყურო საქართველოს განადგურებას, ვემზადებით გამარჯვებისთვის“,- თქვა სააკაშვილმა.
